Një histori mjaft e trishtë u bë pjesë e ditës së shqiptarëve ditën e sotme, ku në rubrikën “Ka një mesazh për ty” nga “E diela shqiptare” u prezantuan Lumturia dhe Fatjoni. 
Lumturia është nëna e Fajtonit e cila përloti publikun me historinë e dhimbshme, e cila e detyroi të rrinte larg të birit për 45 vite.
Ajo ishte kthyer nga Palermo në Tiranë për të kërkuar të birin që kishte braktisur 3 muaj pas lindjes.
Lumturia tregoi se kur ishte 16 vjeçe u dashurua me një djalë dhe mbeti shtatzënë, por kur i dashuri e mori vesh i tha ta hiqte fëmijën dhe e braktisi.
Nga dëshpërimi ajo kishte tentuar të vetëvritej me armën e të atit i cili ishte ushtarak, por babai e kishte kuptuar shumë shpejt dhe e kishte parandaluar të ndodhte tragjedinë.
Megjithatë pasi e morën vesh se ajo ishtë shtatzënë prindërit nuk i qendruan pranë dhe nuk e pranonin atë që po i po ndodhte.
Gjithsesi Lumturia e lindi fëmijën dhe pasi qendroi 3 muaj në maternitet ta ushqente djalin me gji, u detyrua të largohej nga aty pa foshnjën e saj, pasi prindërit nuk e lejonin ta merrte në shtëpi.
“Vajta të shihja djalin në maternitet, ata ma nxorrën dhe prapë u ktheva në shtëpi.Kur vajta herën tjetër nuk e gjeta, e kishin larguar nga aty, e kishin çuar në befotrof. Një komshia ime i tha mamasë që e kishin dërguar në Shkodër. Vajtën vëllai dhe djali i xhaxhait ta kërkonin, por ata thonin “Nuk kemi Fatjon 
Bregu këtu” – tha Lumturia me lot në sy.
Pas 45 vitesh kërkime ajo arriti të takonte të birin sot tek “E diela shqiptare dhe e emocionuar ajo u shpreh: “ Jam shumë e lumtur që e shoh. Më ka munguar, por nuk e kam harruar dhe gjithmonë e kam kërkuar. Uroj të më kuptojë dhe i kërkoj falje sepse nuk kisha mundësi ta mbaja”.
