Kanye West nuk pranon të shohë gruan e tij Kim Kardashian.
Reperi 43-vjeçar, ka ngjallur shqetësim ditët e fundit me një seri postimesh të çuditshme në mediat sociale dhe një shpërthim emocional në një tubim për fushatën e tij presidenciale në Karolinën e Jugut – gjatë së cilës ai qau në mënyrë histerike.
Pas pretendimit të tij tronditës se çifti kishte planifikuar të abortonte fëmijën e tyre të parë, vajzën North sot 7 vjeç, tani thuhet se ai ka pasur shumë pak komunikim me yllin e “Keeping Up With the Kardashians”, 39 vjeç, këtë javë.
Burimet thanë për TMZ se Kim ka bërë përpjekje për të biseduar me burrin e saj për gjendjen e tij mendore, por ai nuk i pranon thirrjet e saj dhe ka refuzuar sugjerimin e saj që ajo të fluturojë në fermën e tyre në Wyoming, ku aktualisht është duke qëndruar reperi, në mënyrë që ta ndihmojë.
Kim, e cila është nëna e 4 fëmijëve me reperin është e shqetësuar për sjelljen e tij prej kohësh.
Në fillim të këtij muaji ajo fluturoi për t’u bashkuar me të në Republikën Dominikane për shkak se ishte në merak, por duhej të largohej për t’u rikthyer te fëmijët.
Pas kësaj, pa asnjë paralajmërim, Kanye fluturoi për në Karolinën e Jugut për tubimin e tij. Ai pohoi në fillim të kësaj jave se ishte duke u përpjekur të divorcohej nga Kim pasi ajo u takua me reperin e tij Meek Mill në një hotel.
Mediat publikuan sot një foto të Kim në një drekë pune me reperin Meek Mill dhe filantropisten Clara Wu, për të diskutuar pë reformën e burgjeve, në vitin 2018 në një hotel në Los Angeles.
Në shenjë pendese ose jo, Kanye i fshiu postimet, gjysmë ore pasi i publikoi në Twitter. Në fillim të kësaj jave, Kim foli me detaje rreth asaj se sa ‘e pafuqishme’ është ajo për të bindur Kanye të kërkojë ndihmë për çrregullimin e tij bipolar nëse nuk zgjedh ta bëjë vetë.
Ajo tha në një deklaratë të gjatë se kushdo që e ka këtë ose ka një të dashur në jetën e tyre, i cili vuan nga bipolariteti, e di sa e ndërlikuar dhe e dhimbshme është:
Kim shkroi: “Siç e dini shumë prej jush, Kanye ka çrregullime bipolare. Kushdo që e ka këtë problem ose njeh persona në jetën e tyre e di se është tepër e ndërlikuar dhe e dhimbshme të kuptohet. Asnjëherë nuk kam folur publikisht se si kjo ka ndikuar tek ne, në shtëpi sepse unë kam dashur të mbrojë fëmijët mi dhe të drejtën e Kanye për privatësi kur bëhet fjalë për shëndetin e tij. Por sot, më duket sikur duhet ta komentoj për shkak të thashethemeve dhe konceptimeve të gabuara në lidhje me shëndetin mendor. Ata që e kuptojnë sëmundjen mendore apo edhe sjelljen e detyrueshme e dinë që familja është e pafuqishme ndaj personit me probleme, përveç nëse personi është i mitur. Personat që nuk janë në dijeni mund të jenë gjykues. Njerëzit të cilët nuk janë të vetëdijshë mund të jenë gjykues dhe të mos e kuptojnë që vetë individi duhet të angazhohet në procesin e marrjes së ndihmës, pavarësisht se sa shumë përpiqen familja dhe miqtë. E kuptoj që Kanye është subjekt i kritikave sepse ai është një personazh publik dhe se veprimet ndonjëherë mund të shkaktojnë mendime dhe emocione të forta. Ai është një person i shkëlqyer, por i ndërlikuar që në krye të presioneve të të qenit artist dhe një njeri i zi, i cili përjetoi humbjen e nënës së tij, dhe duhet të merret me presionin dhe izolimin që theksohet nga çrregullimi i tij bipolar. Ata që janë afër me Kanye e dinë zemrën e tij dhe i kuptojnë fjalët e tij që disa herë nuk përputhen me qëllimet e tij.”
