Donald Veshaj pranoi para pak javësh i ftuar në emisionin “Shiko Kush Luan” ribashkimin me Bora Zemanin. Kur u pyet se cili është emri i partneres, ai nuk e tha me zë të lartë emrin e moderatores, por nga lëvizja e buzëve u kuptua “Bora Zemani”. (Kliko)
Tashmë nuk ka më asnjë lloj dyshimi se janë bashkë dhe pas kësaj edhe Bora ka vendosur të thyejë akullin. Moderatorja ka zbuluar se mbrëmjen e sotme është e ftuar në emisionin më të ri të vellëzerve binjak, me të cilët më parë ajo ka prezantuar spektaklin “Treshat”.
“Sonte e ftuar tek ‘Binjakët’ ose ish ‘Treshat’. Ose ose tek Donald Veshaj dhe Romeo Veshaj. Më detyruan të flasë”, ka shkruar Bora në Instagram shoqëruar me disa foto të saj.
“iconstyle.al” kishte vënë në dukje prej kohësh ribashkimin e Borës me Donaldin. Si fillim, ky i fundit publikoi një video nga makina, ku dalloheshin gishtat e një vajze dhe që dukshëm ishin të Borës. Më pas ata filluan të ndjekin sërish njëri-tjetrin në Instagram, duke na dhënë një provë goxha të fortë se janë në krahët e njëri-tjetrit. Gjithashtu nga rrjetet sociale kuptuam se çifti ka qenë bashkë në jug të vendit. Donaldi ka publikuar një foto nga Dhërmiu në datë 20 shtator dhe dy ditë më vonë më 22 shtator është Bora ajo që ka ndarë me ndjekësit në rrjetet sociale një foto ku shihet nga i njëjti vend. (Kliko)
