Një ditë pasi na bënë të dyshojmë se janë bashkë, mund të japim pa frikë lajmin e bukur se Donald Veshaj dhe Bora Zemani janë bashkë dhe ndoshta s’janë ndarë ndonjëherë.
Nga dje…
Mbrëmjen e djeshme aktori i humorit ka publikuar në Instagram një video brenda makinës së tij, ndërkohë që një vajzë mban duart tek pjesa e kasetofonit.
https://www.instagram.com/p/CFr4PepjFLM/
Pavarësisht se videoja nuk është shumë e qartë për shkak të errësirës dallohet se thonjtë e vajzës janë të kuq, siç e kemi parë Borën të shfaqet këto ditë në televizion. Po ashtu forma e thonjve është e njëjtë dhe dora është shumë e ngjashme me atë të moderatores.
Ndërkohë sot…
“iconstyle.al” pas një vëzhgimi të vogël vuri re se pak ditë më parë çifti ka qenë bashkë në jug të vendit.
Donaldi ka publikuar një foto nga Dhërmiu në datë 20 shtator dhe dy ditë më vonë më 22 shtator është Bora ajo që ka ndarë me ndjekësit në rrjetet sociale një foto ku shihet nga i njëjti vend.
Po ashtu, postimet e tyre që nxjerrin zbuluar vendndodhjen e përbashkët kanë vijuar përkatësisht më datë 27 shtator dhe 25 shtator.
Për siguri, nëse do kontrolloni locationin e fotos bashkëngjitur nga Donaldi do i dalloni më mirë pamjet dhe faktin se fotot janë shkrepur në të njëjtin vend.
Ata vijojnë ende të mos e ndjekin njëri-tjetrin në Instagram, teksa edhe fotot me njëri-tjetrin nuk i kanë rikthyer, duke na vërtetuar se rrjetet sociale nuk janë gjithmonë një tregues i raporteve njerëzore.
Kujtojmë se në muajin gusht, pak javë pasi konfirmuan lidhjen e tyre, Bora dhe Donaldi u përfolën për një ndarje të mundshme.
Të dy fshinë fotot që kishin bashkë nga rrjetet sociale, si dhe vendosën të mos e ndiqnin më njëri-tjetrin në Instagram.
A janë ndarë me të vërtetë dhe janë ribashkuar, a ka qenë një zënkë e momentit, a nuk janë ndarë kurrë këtë nuk dimë ta themi.
Më rëndësi është se ata janë bashkë dhe të lumtur.
