Rreth një vit më parë, një skulpturë e yllit të futbollit, Cristiano Ronaldo, u zbulua në aeroportin Madeira, në Portugali. Ajo u bë virale në internet, por për arsyen e gabuar!
Ishte e tmerrshme dhe nuk ngjante thuajse fare me sulmuesin e Real Madridit, por e tregonte më shumë si një karikaturë, sesa një atlet tërheqës.
Përdoruesit e mediave sociale nisën të talleshin dhe skulptura u bë pjesë e shumë meme-ve.
Megjithatë, ndoshta njerëzit harronin që, ndërsa bënin shaka me statujën, po ulnin poshtë punën e vështirë të skulptorit Emanuel Santos.
I lindur në Madeira, që është edhe vendlindja e Ronaldo-s, ai shqetësoi edhe familjen për shkak të punës që u cilësua si “dështim”.
Në një dokumentar të shkurtër, ndërsa flet për incidentin, Emanuel shpërthen në lot: “Është e vështirë të flasësh për të. Ishte e papritur”.
Ajo që njerëzit ndoshta nuk kuptonin ishte se, Emanuel nuk kishte krijuar kurrë një skulpturë më parë dhe përpjekjet e tij të para ishin shumë më të sakta, por iu kërkuan që të hiqte disa rrudha në fytyrën e yllit.
Pas orëve të tëra pune, ai ndryshoi skulpturën, e cila tani duket kështu:
Dhe të gjithë jemi dakord që është 100 herë më mirë!
Burimi: Bored Panda
