Aktori Romeo Veshaj foli për herë të parë në një intervistë për “Thumb On” për ndarjen e tij të bujshme nga Jonida Maliqi, duke mohuar çdo lidhje tjetër për të cilën ishte përfolur deri më sot.
Një muaj më parë u përhapën fjalët se këngëtarja Xheisara e kishte ngacmuar Romeon gjatë kohës që ishte me Jonidën.
Të pakën, kështu tha vetë Xheisara, pasi Jonida nuk i dha dritën jeshile për të kaluar në fazën tjetër të konkurrimit tek “Kënga Magjike”.
“Nuk e prisja nga Jonida Maliqi se ajo më ka mbështetur në “The Voice”. Më thoshin disa mos i ke ngacmuar Romeon Jonidës, por unë s’kam kohë të merrem, nuk kam bërë kurrë nga këto”, u shpreh Xheisara.
Jonida Maliqi iu përgjigj tërthorazi këngëtares nëpërmjet një statusi, ku bënte një reflektim mbi të qenurit një artist me shpirt të pastër e të lirë, teksa jepte një mesazh: Jeta vazhdon!
https://www.instagram.com/p/B54pCfen_5O/?utm_source=ig_embed
Mirëpo, fill pasi Romeo deklaroi publikisht ndarjen, Xheisara i ka bërë një ftesë publike Romeos në emisionin “Ditë e Re”, duke e ftuar për t’u njohur dhe duke ngacmuar edhe njëherë këtë temë të shumëkomentuar.
“E shkreta unë atë Romeon s’e kam parë një herë në jetën time. Do t’i bëj një thirrje publike: Romeo kudo që të jesh zemër, të lutem hajde pimë një kafe bashkë se na kanë bërë dashnorë me zor”- ka bërë thirrje Xheisara, e cila ende s’ka marrë ende asnjë përgjigje nga Romeo.
As nuk duam ta përfytyrojmë si e ka marrë Jonida këtë mesazh!
