Këngëtari britanik Harry Styles u bë mashkulli i parë që u shfaq vetëm në coverin e Vogue në historinë 127-vjeçare të revistës. Teksa shfaqej duke veshur fustane e funde, ai foli për thyerjen e barrierave gjinore në veshjen e tij dhe evoluimin e stilit gjatë viteve. Mirëpo veshjet e tij ngjallën një lumë reagimesh kundër këngëtarit. Shumë nuk ishin dakord që ai ishte shfaqur në kopertinë me fund e fustane, sepse nuk është një veshje e përshtatshme për burra.
Edhe autorja amerikane Candace Owens, e kritikoi hapur këngëtarin, teksa shkruante në një status në Twitter se shoqëria nuk mund të mbijetojë pa burra të fortë.
“Nuk ka asnjë shoqëri që mund të mbijetojë pa burra të fortë. Lindja e di këtë. Në Perëndim, feminizimi i qëndrueshëm i burrave tanë në të njëjtën kohë që Marksizmi u mësohet fëmijëve tanë nuk është një rastësi. Është një sulm i drejtpërdrejtë. Ktheni burrat!”, shkroi ajo në Twitter.
Ndërsa artisti 26-vjeçar vendosi t’ju përgjigje të gjithëve me pak fjalë. Ai publikoi një fotografi ku shihej i veshur me një kostum të Palomo Spain dhe duke ngrënë një banane, teksa shkroi: “Duke kthyer burrat “burra”.
View this post on Instagram
Në lidhje me këtë situatë i ka dalë në mbrojtje edhe miku i tij nga ish-grupi One Direction. Liam Payne. Ky i fundit ishte i ftuar në emisionin ” Capital Breakfast”, u shpreh se secili është i lirë të bëjë çfarë të dëshirojë dhe se nuk ka pse të diskutohet kaq gjatë një veshje.
“Unë mendoj se ai është i lumtur me veten dhe i lirë të bëjë çfarë të dëshirojë. Dhe mendoj se njerëzit nuk kanë nevojë të jenë kaq të shqetësuar për gjërat e të tjerëve. Ka pasur shumë më shumë gjëra dhe më të rëndësishme se sa a është veshur ai mirë apo keq”, u shpreh Liam.
