Ish-banorja e “Big Brother”, Bertina Mehmeti e ftuar pak ditë më parë në emisionin “Pasdite në Top Channel” e quajti lidhjen e saj me Erion Zeqirajn si një ndër gabimet më të mëdha të jetës së saj.
“Ia bëj gjithmonë këtë pyetje vetes. Nuk ka qenë diçka e programuar. Për më tepër, i dola fjalës së familjes. Ata më kishin porositur: ‘Shiko Bertina, kujdes…’. Mendoj se bëjmë gabime. Sot mendoj se do ishte shumë më mirë të isha vetëm, pavarësisht se edhe lidhja e ndezi pak pjesën e lojës. Unë do të doja të isha Bertina, por nuk jam penduar. Unë jam kështu, bëj atë që ndiej dhe kaq.”, tha Bertina.
Pas kësaj deklarate të Bertinës, edhe Erioni ka folur për lidhjen e tyre në një intervistë për gazetën “Panorama”.
“Të të them të drejtën nuk është se kam pasur kontakte me të dhe nuk kam qenë shumë kurioz për jetën e dikujt tjetër. Fatmirëshisht ose fatkeqësisht, as nuk jemi përballur më me njëri-tjetrin. Kështu që se di çfarë do ndodhte. Por me ndarjen tonë nuk është se ka ndodhur ndonjë gjë për të qenë armiq”, tha Erioni.
Gjithashtu Erioni gjatë kësaj interviste ka folur edhe për marrëdhënien e tij me ish-banoren tjetër të “Big Brother”, Xhensila Pere.
“Xhensilën e ka mike shumë të mirë dhe punojmë bashkë në ‘Miss Universe Albania&Kosovo”, ku kam rolin e drejtorit të prodhimit. Fati na ka bërë të ndajmë shumë kohë bashkë dhe shumë momente i stampojmë në fotografi. Një miqësi e bukur, por ne dukemi aq bukur, sa njerëzit duan të jemi më shumë. Por kemi një miqësi të bukur dhe punën që bëjmë e shijojmë në maksimum”, tha Erioni ndër të tjera.
