Vetëm pak ditë më parë ish-banorja e “Big Brother”, Armela Hyseni u vu në qendër të vëmendjes mediatike pasi publikoi një foto provokuese në Instastory. Ajo shfaqej e ulur në prehrin e një mashkulli, të cilit ishte siguruar të mos ia zbulonte fytyrën.
Mirëpo duke u nisur nga varëset që ai mbante dhe nga logoja e bluzës në media e përfol se bëhej fjalë për reperin e njohur, Escobars, të cilin e kemi parë edhe në klipet e grupit “OTR”.
Ndërkohë që në media bëri xhiron lajmi se Armela është në një lidhje me Escobars, ish-banorja e “Big Brother” reagoi duke thënë se ata janë thjesht miq.
“Me Escobars jemi njohur nga miq të përbashkët. Jemi thjesht shokë që kalojmë mirë në grup shoqëror”, u shpreh Armela.
Si për të përforcuar deklaratën që bëri Armela, Escobars dje publikoi në Instastory disa nga mesazhet që i dërgojnë fanset e tij, të cilat nuk i kursejnë zemrat dhe puthjet për reperin.
“Të dua më shumë se kokaina, a mund të ta shes shpirtin ty?”, i shkruan njëra prej fanseve Escobarit.
Nuk dihet me siguri nëse me të vërtetë mes dyshes së njohur nuk ka asnjë lidhje, apo këto deklarata dhe mesazhe bëhen thjesht për të larguar vëmendjen nga ta.
