Ardian Bujupi publikoi mbrëmjen e djeshme në adresën në Instagram një video, që trembi gjithë fansat e tij. Në video këngëtari shihej i gjakosur në ballë brenda një makine, që ishte përplasur me një pemë. Videoja dukej se ishte xhiruar nga një person tjetër që vraponte drejt Ardianit dhe e pyeste nëse është mirë, por ky i fundit nuk i përgjigjej.
View this post on Instagram
Menjëherë pas postimit fansat nxituan të pyesnin Ardianin se çfarë kishte ndodhur me shpresën se ishte mirë. Dhe në fakt ashtu siç shumë aluduan, ky moment ishte shkëputur nga xhirimet e projektit të ri muzikor të këngëtarit.
Vetë Ardiani u ka bërë të ditur fansave përmes një videoje tjetër se kjo skenë do të jetë pjesë e videoklipit të ri, që pritet të publikohet këtë muaj. Mësohet se kënga e tij e re “Nur Noch Einmal” do të publikohet më 11 dhjetor.
Kujtojmë se gjatë këtij viti, Bujupi ka qenë mjaft aktiv në muzikë duke realizuar një sërë projektesh. Më i fundit është “Juliet”, që flet për një histori të shkuar dhe që Ardiani ia ka dedikuar modeles me të cilën u nda para pak kohësh, Sabine Khan.
