Ditën e djeshme një aksident i rëndë ka ndodhur në Tiranë, ku makina ka përplasur një çift së bashku me foshnjën tre-muajshe në vijat e bardha . Ajas Sulejmeni, 39 vjeç, me makinën e tij luksoze shkaktoi aksidentin e rëndë në rrugën e Kavajës në Tiranë dhe më pas u largua nga vendi ngjarjes por nuk i ka shpëtuar dot policisë pasi është arrestuar pas disa orësh. Ditën e sotme ai është dënuar me një gjobë prej 1 milionë lekësh të vjetra si dhe i është pezulluar patenta edhe për 2 vjet përveç gjobës. Shkeljet e kryera nga ai janë mosrregullim i shpejtësisë, kalim i semaforit të kuq, mosdhënie e ndihmës ndaj të aksidentuarve, largim nga vendi i aksidentit.
Mesa duket kaq është mjaftueshëm dënimi sipas shtetit shqiptar për një person të droguar në timon që mund të kishte shkaktuar pasoja akoma më të rënda. Kjo shton akoma më shumë frikën e qytetarëve të cilët duke parë mungesën e ndëshkimit ndihen akoma më të pasigurt. E çfarë mund të presësh më shumë nga një vend ku mjafton të “kesh lekë” dhe shpëton me një gjobë nga çdo lloj krimi që mund të bësh, ku korrupsioni është kryefjala e ditës dhe ku jeta e njeriut vlerësohet me vetëm 1 milionë lekë të vjetra.
Bie gjithashtu në sy në fletën e gjobës fakti se Ajas Sulejmani, në nënshkrimin që ka bërë nuk e pranon këtë gjobë, duke ka shkruar: “Nuk jam dakord”.
Ditën e sotme ka ardhur lajmi i mirë se çifti që u përplasën dje në “Rrugën e Kavajës”, Arjan dhe Vilma Konomi ndodhen në gjendje të qëndrueshme në spital dhe kanë dalë nga trajnimi intensiv.
Gjithashtu bëjmë të ditur se për fat të mirë foshnja e tyre tre-muajshe ka dalë nga spitali. Kujtojmë se ata ndodheshin prej ditës së djeshme në Spitalin e Traumës, pas aksidentit të shkaktuar nga Ajas Sulejmani.
