Është rritur numri i viktimave në Sri Lanka, ku tre kisha dhe tre hotele u goditën nga shpërthime të organizuara, të dielën e pashkëve katolike.
Autoritetet raportojnë për 207 të vdekur dhe mbi 400 të tjerë të plagosur, mes të cilëve edhe shumë turistë japonezë, holandezë, britanikë, amerikanë dhe portugezë.
Një nga shpërthimet ndodhi në Kishën e Shën Anthonit në Kochcikade, Colombo, tjetri në Negombo, që është në veri të qytetit dhe i treti ka ndodhur në kishën që ndodhet në Batticaloa.
Tre hotele me pesë yje thuhet se janë goditur nga shpërthimet; ‘Shangrila’, ‘Cinnamon Grand’ dhe ‘Kingsbury’.
Kisha e Shën Sebastianit në Katuwapitiya në Negombo publikoi fotografi të shkatërrimit brenda kishës në faqen e saj në Facebook, duke treguar gjak në pllakat dhe dysheme, dhe kërkoi ndihmë nga publiku.
Ministri i Financave, Mangala Samaraweera në një postim në Twitter tha se, sulmet ishin të mirë koordinuara me qëllim që të krijonin kaos e anarki dhe të vrisnin sa më shumë njerëz të pafajshëm.
