Më datën 18 prill, motrat Nora dhe Era Istrefi publikuan bashkëpunimin e tyre të parë, ecurinë e të cilit e tregojnë më së miri klikimet në platformën You Tube.
Kënga e titulluar “Nuk e di” edhe pse ka shumë pak ditë që është bërë publike, numëron aktualisht mbi 1.5 milion klikime. Pra, siç e tregojnë shifrat, ajo ka pasur një impakt shumë të mirë te publiku.
Të dyja motrat duken spektakolare në klip, njëra më e bukur se tjetra dhe me gjasë edhe ju jeni më se dakord me këtë parashtrim.
Mirëpo përpos look-ut të këngëtareve aktualisht po përflitet edhe për një tjetër detaj i cili na ka tërhequr vëmendjen të gjithëve.
Është pikërisht macja e cila shfaqet pranë Norës, në një sekuencë të caktuar të klipit.
E dini sa kushton ajo?
Është cilësuar si macja më e shtrenjtë në botë dhe i përket racës “Ashera”, çmimi i së cilës varion mes 20,000 dollarë deri në 100,000 dollarë.
Kushton sa “qimet e kokës”, apo jo? /revistaclass
