Mungesa e mikut të saj Erik Lloshi në koncertin recital që organizoi Anxhela Peristeri në fund të 2018-s u interpretua si një prishje e raportit mes dy kolegëve.
Menjëherë u përhap lajmi se Eriku dhe Anxhela nuk janë më miq me njëri-tjetrin dhe askush prej tyre nuk reagoi në lidhje me këtë çështje.
E ftuar sot në “Vizioni i Pasdites” Anxhela Peristeri ka treguar si qëndron e vërteta e raportit të saj me Erikun.
“E hedh poshtë këtë lajm. Me Erikun flasim, vazhdojmë të jemi kolegë dhe miq”, ka thënë Anxhela.
Anxhela shtoi se Lloshi nuk mund të ishte i pranishëm në koncertin e saj, për shkak të një problemi personal dhe se nuk ka asgjë të vërtetë në raport me atë që është thënë në media.
Anxhela Peristeri dhe Erik Lloshi kanë realizuar disa bashkëpunime si: “T’kam bërë të qash” dhe “S’ka si ne” dhe shpresojmë mos të jenë të fundit.
