Një ditë më parë gazetari dhe opinionisti i njohur Olti Curri thumboi përmes një videoje Fjoralba Ponarin, sipas tij për një gafë që ajo kishte bërë. Olti kishte shkëputur një copëz nga skenari i moderatores së programit “E diell”, në të cilën shprehej:
“Fatmirësisht sot të lindësh e bukur nuk është thjesht çështje fati, është edhe çështje profesionale”.
Për më të plotë ndiqni videon më poshtë:
Pas videos replikat e drejtpërdrejta mes Oltit dhe Fjoralbës nuk kanë munguar:
Mesa duket videoja është bërë menjëherë virale dhe mesazhet kanë qenë të shumta ndaj Fjoralbës, aq sa moderatorja ka reaguar përmes një postimi publik në Instastory. Ajo shprehet se videoja e Oltit është shkëputur nga konteksti dhe është prerë qëllimisht për të krijuar efektin parodik.
Ja çfarë shkruan konkretisht Fjoralba:
“Të sqaroj pak dhe mesazhet që vijnë nga videoja e Oltit. Kujt mund t’i ketë shpëtuar le të shkojë të argëtohet pak. Unë bëj një lapsus që në vazhdim sqarohet dhe jepet ideja e gjësë që supozohej të prezantoja. Por qimja bëhet tra si zakonisht dhe videoja do humbiste efektin parodik, kshuqë e gjymtojnë. Kjo bën një të mirë ama, gjithë njerëzinë e palumtur e bën tok, argëtohen duke ofenduar. Propagandojnë lart e poshtë antibullizmin pastaj”.
Përmes një reagimi të tillë Fjoralba na lë të nënkuptojmë se është tepër e indinjuar pas videos që Olti Curri ka publikuar, dashur pa dashur duke “dëmtuar” imazhin e saj. Megjithatë duhet thënë se Olti është i njohur për thumbimet ndaj personazheve të ndryshme publike (kujtojmë replikat me Alketa Vejsiun) dhe nuk ka komplekse t’i bëjë ato publike.
Pas deklaratës së Ponarit, na mbetet të presim nëse do të kemi një reagim tjetër nga Olti, nëse videoja është bërë qëllimisht apo e gjitha ka qenë në kuadrin e shakasë për lapsusin që moderatorja bëri.
Gjithsesi duhet thënë: Paqe njerëz!
Burimi: Instagram
