Është dashur vetëm një muaj që futbollisti i famshëm Mario Balotelli të vendoste për femrën e jetës së tij.
Ai i ka dhënë fund beqarisë me yllin e televizionit, Alesia Mesina, vetëm pak kohë pasi kishin nisur romancën e tyre.
27-vjeçarja shumë e njohur në Instagram, është shfaqur edhe tek “Temptation Island”, “Grande Fratello” apo shfaqje të tjera televizive.
Lajmin e fejesës e ka bërë të ditur vetë futbollisti në një deklaratë për revistën italiane “Chi”.
“Jam i fejuar dhe i dashuruar”- ka thënë 30 vjeçari i cili duket se ka bërë “gol” në jetën reale.
Gjithashtu, mësohet se Balotelli ka takuar edhe prindërit e Alesia-s në shtëpinë e tyre në Siçili.
