I njohur me emrin e artit Stresi, reperi Arkimed Lushaj njoftoi se ka vendosur të anulojë të gjitha koncertet dhe performancat e tij. Shkak i këtyre anulimeve është bërë vdekja e mikut të tij Brilant Martinaj.
Lajmin e ka bërë të ditur Stresi me anë të një postimi në Instastory. Gjatë videos Stresi ka shpjeguar se arsyeja e këtij vendimi është se ka nevojë për qetësi pas tronditjes që kaloi.
“I kërkoj ndjesë publikut, i kërkoj ndjesë të gjithë clubeve ku do performoja por anuloj çdo aktivitet timin. Kam nevojë për qetësi,”– ka shkruar Stresi në postimin e tij.
Së fundmi, reperi i njohur Stresi ka reaguar pas ngjarjes. Brilanti ishte mik i ngushtë i Stresit, ku ky i fundit ka publikuar bisedën e fundit mes tyre. Madje, reperi e cilëson Brilantin si ‘vëlla’.
“Zemra vëllait krejt botën ma përmbyse”, shkruan Stresi.
Krahas Stresit, për vrasjen e të riut, reagoi edhe boksieri i famshëm Krist Prenga. Boksieri e cilëson Brilantin si ‘vëllain’ e tij si dhe thekson se ia ka bërë zemrën copë largimi i tij nga jeta. Jo vetëm kaq por Prenga ngushëllon të gjithë miqtë e tij.
“Na e bane zemrën copash Brilant. Copash o vëllai jonë. Ne ma t’mirën ditë e ma t’mirën moshe i shkon afër Zotit. Tu prehtë shpirti në paqe. Ngushëllime miqtë e mi Zoti ju forcoftë 💔”, shkruan boksieri.
