Reperi i njohur, DMX, u nda nga jeta në moshën 50-vjeçare. Këtë lajm e bënë të ditur familjarët e të ndjerit.
“Ne jemi shumë të pikëlluar të njoftojmë sot se i dashuri ynë, DMX, emri i të cilit është Earl Simmons, vdiq në moshën 50-vjeçare në Spitalin White Plains”, thuhej në njoftimin e tyre.
Ndërkohë reperi Kanye West ka vendosur t’i vijë në ndihmë familjes së DMX përmes një gjesti shumë human. Ai ka porositur një bluzë bamirësie në përkujtim të reperit të ndjerë. Bluza, që është dizenjuar nga Blaenciaga për markën e Kanye West, ka fituar më shumë se 1 milionë dollarë për familjen e DMX.
Përveç të ardhurave nga shitja e bluzës, Kanye ndihmoi familjen e reperit në krijimin e skenës për memorialin e mbajtur në nder të tij. Mbi bluzën që Kanye nxori në shitje është printuar portreti i DMX, si dhe data e tij e lindjes dhe e vdekjes të vendosura mbi mëngët e bluzës.
DMX ishte shtruar në spital për disa ditë kur pësoi sulm në zemër në shtëpinë e tij në Neë York. Pas ndarjes nga jeta partnerja e tij, Desiree Lindstrom, bëri për reperin një tatuazh shumë të veçantë. Këtë tatuazh e publikoi tatuatorja që realizoi punimin e Desiree, teksa shkroi:
“Ndjehem e nderuar që jam në gjendje ta bëj këtë memorial, por edhe e trishtuar. Drita jote ishte e pakonkurueshme. Lutem që ju të gjeni rrugën tuaj në këto kohë të errëta dhe mos harroni që dashuria që kishit për njëri-tjetrin do të jetojë përgjithmonë. Më vjen mirë që e dëshmova. Bota humbi një ikonë, por edhe një baba të madh. Duke u lutur për familjen tuaj.”
View this post on Instagram
