Vetëm pak ditë më parë Tirana u trondit nga një krim i dyfishtë, ku Xhaferr Mata qëlloi për vdekje me armë zjarri 19-vjeçaren Xhuljeta Çuni dhe më pas vrau edhe veten. Mirëpo kjo nuk është hisoria e vetme ku vritet e dashura, gruaja apo motra. Mirëpo kjo është vetëm një prej historive të shumta të krimeve ndaj femrave që tronditën Shqipërinë.
Nisur nga kjo situatë e rëndë, por duke u bërë pjesë edhe e një projekti të iniciuar nga aktorja Ema Andrea, ish-ministrja e Integrimit Majlinda Bregu ka ndarë me ndjekësit e saj në Instagram një mesazh sensibilizues kundër dhunës ndaj gruas.
“‘Gruaja dhe prifti nuk vriten’,-thoshte edhe Kanuni! Komunizmi nuk kurseu, por vrau e masakroi edhe gra! Genocidi sot është Femicid! Nuk kam fjalë të reja për të gjykuar dhe më, paaftësinë tonë të spikatur si shoqëri për të menaxhuar konfliktet, për të pranuar humbjen, refuzimin. Nuk kam fjalë të reja për të rithënë se sa e pamundur do të jetë lufta kundër dhunës e vrasjes së grave e vajzave në rast se nuk konsiderohet prioritet kombëtar!”, shkruan Majlinda Bregu në postimin e saj në Instagram.
