Amber Heard i është përgjigjur TikTok-ut të parë të Johnny Depp, në të cilin ai mburrej për ecjen përpara pas gjyqit të tyre për shpifje.
“Ndërsa Johnny Depp thotë se ai është duke ecur përpara, të drejtat e grave po ecin prapa”, tha një zëdhënës i Heard në një deklaratë (përmes People).
“Mesazhi i vendimit për viktimat e dhunës në familje është … kini frikë të ngriheni dhe të flisni.”
Heard, trajtoi gjithashtu të ardhmen e të drejtave të grave në deklaratën e saj pas humbjes me Depp në gjykatë javën e kaluar.
“Zhgënjimi që ndjej sot është përtej fjalëve. Më dhemb zemra që mali i provave nuk ishte ende i mjaftueshëm për t’i bërë ballë fuqisë joproporcionale, ndikimit dhe influencës të ish-bashkëshortit tim. Jam edhe më e zhgënjyer me atë që ky vendim do të thotë për gratë e tjera,” vazhdoi ajo, duke e quajtur vendimin e jurisë një “pengesë”.
“E kthen orën në një kohë kur një grua që fliste mund të turpërohej dhe poshtërohej publikisht. Kthen prapa idenë se dhuna ndaj grave duhet marrë seriozisht.”
Ajo shtoi, “Unë besoj se avokatët e Johnny ia dolën që ta detyronin jurinë të anashkalonte çështjen kyçe të Lirisë së Fjalës dhe të injoronte provat që ishin aq bindëse sa fituam në MB.”
“Më vjen keq që e humba këtë çështje. Por jam akoma më e trishtuar që duket se kam humbur të drejtën që mendoja se e kisha si Amerikane – të flas lirshëm dhe hapur”, tha Amber
