Pas bashkëpunimit në serialin e suksesshëm “Dashuri e ndaluar”, regjisorët u përpoqën të risillnin në ekran një ndër çiftet më të pëlqyer të kinematografisë turke, Beren Saat dhe Kivanc Tatlitug. Mirëpo sipas “Cnnturk”, ishte Beren Saat, ajo që hodhi poshtë projektin, për shkak të kapriçove për pagesën e ofruar. Fillimisht ajo kërkoi një shumë prej 130 mijë lira turke, por kur u njoftua se Kivanc do të paguhej 150 mijë lira, ajo kërkoi nga produksioni një shumë më të lartë.
Aktorja ishte e ftuar së bashku me bashkëshortin e saj, këngëtarin Kenan Dogulu në një event në Stamboll, ku foli për herë të parë në lidhje me lajmet e publikuara.
“ Nuk ka asgjë të tillë, miq. Nuk ka pasur as projekt të propozuar dhe aq më pak, diskutime mbi pagesën. Mos besoni gjithçka në media” – u shpreh aktorja turke Beren Saat.
