Para disa javësh në media bëri bujë lajmi se Chrissy Teigen kishte bullizuar vite më parë modelen Courtney Stodden për martesën e saj me aktorin 50-vjeçar, Doug Hutchison.
Courtney tregoi se përveç deklaratave publike të modeles kundrejt saj, i ka shkruar mesazhe që “të vrisja veten”. Theksojmë se kjo nuk është hera e parë që Stodden flet publikisht për modelen e njohur. Pas vendimit të kësaj të fundit për t’u larguar nga rrjetit social “Tëitter”, ajo e cilësoi Teigen si hipokrite.
“Unë mendoj, për mua, sepse kam përjetuar kaq shumë ngacmime nga ajo kur isha vetëm 16 vjeç, në një kohë kur kisha nevojë për ndihmë. Si, unë po abuzohesha. Ajo më ka dërguar tëeet-e të ndryshme. DM private, deri dy vjet më parë”, u shpreh ajo në intervistë.
Më vonë reagoi edhe Chrissy Teigen pas akuzave nga Courtney Stodden për bullizëm. Nëpërmjet rrjeteve sociale, ajo u shpreh e penduar mbi veprimin e saj.
“Unë isha një njeri i pasigurt, kërkoja vëmendje. Jam e turpëruar nga sjellja ime, por kjo…nuk është asgjë në krahasim me atë që bëra ndaj Courtney”, shtoi modelja.
Ndërkohë pas këtij lajmi të bujshëm, Chrissy vendosi të shkëputej përkohësisht nga rrjetet sociale. Mirëpo ajo nuk ka mundur të qëndrojë larg tyre për shumë kohë dhe gjatë fundjavës u shfaq sërish në Instagram, por në atë të bashkëshortit të saj, John Legend. Në një foto familjare, Chrisyy dukej mjaft e lumtur dhe e qetë, që do të thitë se tashmë ajo ka hedhur pas krahëve çështjen me Courtney Stodden.
