Para disa ditësh në mediat rozë bëri bujë lajmi se Ledir Vula i kishte dhënë fund armiqësisë me ish-menaxherin e tij, Faton Shoshin. Në rrjete sociale qarkulloi një foto në të cilën Ledri dhe Fatoni shiheshin bashkë me një grup shoqëror në një lokal. U tha se ata ishin parë bashkë në jug të Shqipërisë dhe për këtë arsye të gjithë menduan se kishin rregulluar raportet.
I ftuar ditën e sotme në emisionin “Pardon my french”, Ledri ka sqaruar një herë e mirë se si janë raportet me Fatonin. Ai theksoi se mes tyre janë ndërprerë vetëm marrëdhëniet e punës dhe se gjithmonë kanë qenë miq të mirë.
“ Unë e kam vazhduar miqësinë me Fationin, por ai ka edhe portalin “Indeksonline” dhe është fokusuar të pjesa e medias”, tha Ledri.
Gjithashtu ai foli edhe për marrëdhënien me Flori Mumajesin, me të cilin ka realizar dy bashkëpunime “Nuk ma la” dhe “Beautiful”.
“Marrëdhënia është shumë e mirë. E respektoj shumë. I vetmi njeri që ndjehet rehat nën lëkurën e vet. Më shkruan ‘Ku je o artist me A të madhe’. Raportet janë të mira por është një kohë që s’kemi bërë diçka”, tha ai.
Po ashtu Ledri u ndal edhe tek një tjetër artiste me të cilën ka bashkëpunuar disa vite më parë, Era Istrefi.
“Erën e kam shumë shoqe. Studio session kemi bërë shumë herë.Kemi bërë disa këngë, por ajo është më shumë e fokusuar jashtë. Kur të kthehet do vazhdojmë bashkëpunimet”, u shpreh reperi.
