Pas kaq shumë kohësh, bëhet me dije se Celine Dion do të sjellë një këngë të re.
Publikimi mund të lidhet me filmin “Love Again” në të cilin Dion luan me Sam Heughan dhe Priyanka Chopra. Shfaqjet e para të Dion janë planifikuar për në gusht. Nëse gjithçka shkon mirë, ajo do të rikthehet në skenë me tre koncerte në Ziggo Dome në Amsterdam.
Kujtojmë që disa muaj më parë Celine Dion njoftoi se është diagnostikuar me “sindromën e personit të ngurtë” dhe do të shtyjë ose anulojë shfaqjet e saj.
“Unë kam qenë duke u marrë me probleme me shëndetin tim për një kohë të gjatë dhe ka qenë vërtet e vështirë për mua të përballem me këto sfida dhe të flas për gjithçka që kam kaluar,” tha ajo në një video të postuar në rrjetet sociale.
“Kohët e fundit jam diagnostikuar me një sindromë shumë të rrallë neurologjike, e cila prek një në një milion njerëz,” vazhdoi ajo, duke shpjeguar se është kjo gjendje që ka shkaktuar të gjitha “spazmat” që ajo ka pasur.
“Sindroma e personit të ngurtë” shkakton ngurtësi dhe spazma në trup dhe gjymtyrë, sipas klinikës Cleveland. Me kalimin e kohës, muskujt e këmbëve bëhen të ngurtë të ndjekur nga muskujt e tjerë duke përfshirë krahët dhe fytyrën.
Këngëtarja e “Power of Love”, 54 vjeçe, tha se gjendja e ka bërë të vështirë ecjen dhe e ka penguar atë të këndojë ashtu siç është “mësuar”.
