Shkodra njohu ditën e djeshme një rritje të frikshme të rasteve me COVID-19, me 12 raste të reja, duke numëruar në total 22 të prekur.
Ndërkohë, pas Shkodrës, është vënë re një bilanc negativ edhe në qytetin e Elbasanit ku ka shkuar në 9 numri i të infektuarve me COVID-19.
Burime për Top Channel bëjnë me dije se së fundmi është regjistruar një tjetër rast i infektuar, pas testeve të kryera.
Bilanci i COVID-19 në vendin tonë ka shkuar në 304 të prekur, në mesin e të cilëve 17 viktima dhe 99 të shëruar.
Gjatë ditës së sotme pritet që Ministria e Shëndetësisë të dalë në një deklaratë për mediat për të bërë të ditur përditësimin e të dhënave për pandeminë.
/Iconstyle.al
