Rudina Dembacaj dhe Agron Llakaj ndajnë një marrëdhënie jo të mirë mes tyre. Dy aktorët e njohur kanë bashkëpunuar në emisionin e humorit “Al Pazar” i cili startoi afro 5 vite më parë në televizionin “Vizion Plus”. Dembacaj në momentin që ishte shndërruar në një ndër figurat më të pëlqyera të këtij emisioni, për çudinë e të gjithëve dha lajmin e largimit. Sipas thashethemeve që qarkulluan në mediat online largimi i Rudinës nuk kishte qenë aq i miqësor dhe kishte ardhur pas një sherri me producentin dhe moderatorin e “Al Pazar”, Agron Llakaj.
“Nuk do më shihni më asnjë ditë në Al Pazar! Dhe nuk e lashë për arsye familjare, siç thotë Goni. Fatkeqësisht, ose fatmirësisht, nuk kemi mbetur miq”, tha asokohe Rudina në një intervistë për “NRG Radio” duke theksuar se nuk ka për ta ftuar asnjëherë Agronin në emisionin e saj.
Ndërkohë sot moderatorët e emisionit “Chaude Patate” të NRG Radio kanë zbuluar se Agron Llakaj do të jetë të hënën e ardhshme përballë fëmijëve në emisionin “Në kurthin e Piter Pan”, pjesë e të cilit është edhe Rudina.
Me sa duket kjo do të jetë përballja e tyre e parë dhe të gjithë jemi kuriozë të shohim reagimin e tyre në këtë situatë.
