Një ngjarje e rëndë ka ndodhur këtë paradite në Memaliaj ku një krim në familje ka tronditur banorët.
Ngjarja ka ndodhur rreth orës 11:00 të paradites së sotme, në fshatin Shalë, ku një i ri ka vrarë babain e tij Ilijaz Shahaj, me sëpatë.
Autori është identifikuar si Arjan Shahaj.
Burimet nga policia bëjnë me dije se Arjani ka pasur fillimisht një konflikt verbal me të atin, më pas ka rrëmbyer sëpatën dhe ka qëlluar në kokë duke e lënë të vdekur.
Pas krimit autori është larguar menjëherë nga vendngjarje dhe policia është vënë në ndjekje të tij.
Dyshohet se i riu vuan nga probleme të shëndetit mendor.
Një vit më parë ai ka tentuar të vrasë një kushëri, ndërsa në 2003-shin ka tentuar të vrasë të ëmën.
Burimi: Gazeta Reforma
