Gent Hazizi i është kthyer Instagramit, dy ditë pas sherrit të bujshëm me aktorin Ledio Lako, i cili degjeneroi në dhunë fizike me shpulla dhe përdorimin e dorezave metalike, sipas policisë.
Prej fillimit të karantinës Genti ka argëtuar ndjekësit e tij me videot live me personazhet më të njohur të ekranit shqiptar, por dy ditët e fundit, na kishin munguar këto biseda.
Ai nuk ka reaguar ende për sherrin, ndryshe nga Ledion Lako, i cili e cilësoi përplasen si një gjë banale:
“Sherr artistësh, për çfarë do zihemi tjetër për drogë?! Jemi zënë për tekstin. Genti mund të jetë i axhituar, por këto doreza janë kot. U zumë kot, pas teatrit për punë roli. Jo roli jot, jo ma thuaj batutën, jo s’ma thua batutën. S’ka qenë ndonjë konflikt për t’u raportuar, por me që po kalonte policia aty. Me shpulla jemi goditur. Nuk të nxjerr njeri nga rajoni po të gjuash me dorezë, mjet metalik të fortë.”- është shprehur aktori Lako për Panorama Plus.
Ndërkohë, Genti do të ketë një komunikim live me një tjetër aktor nga “Portokallia” për të cilin ai shpreh konsiderata të mëdha. Bëhet fjalë për Florjan Binajn, për të cilin shprehet se është një super aktor dhe baba shembullor:
“Sot live në Insta ora 20.00 me Super Aktorin dhe babain shembullor Florjan Binaj! Modeli i Artistit që të rinjtë duhet ta kenë si shembull! Do flasim sonte se duke i besuar nismës ‘Fushat’ nPallat’ ka 3 familje në njësinë e tij dhe po merret personalisht!”, shprehet Genti.
Nuk e dimë nëse do të flasë për sherrin e shumëpërfolur, por nuk na mbetet gjë tjetër veçse të presim orën 20:00.
https://www.instagram.com/p/B_j0pU3gjNW/
