Në muajin mars të këtij viti u përfol për një largim të mundshëm të moderatores Arbana Osmani nga “Top Channel”.
U përfol se ajo kishte bërë një sherr me Ben Blushin dhe kishte vendosur ta linte në mes emisionin e saj “Dua të të bëj të lumtur”.
Megjithëse motivet e sherrit nuk u mësuan dhe moderatorja nuk reagoi lidhur me këto lajme, ditën e sotme ajo na ka treguar të gjithëve se ku do ta shohim sezonin e ri.
Arbana ka publikuar në Instastory një foto të emisionit “Dua të të bëj të lumtur”, i cili fton ndjekësit të sjellin historitë e tyre për këtë sezon.
Nëpërmjet këtij postimi, moderatorja konfirmoi se këtë sezon do ta shohim sërish në “Top Channel” me emisionin e saj të përhershëm.
Kujtojmë se këto ditë, Arbana është kthyer në kryefjalën e mediave për romancën e re me regjisorin e njohur Eduart Grishaj, me të cilin udhëtoi drejt Marokut për të kaluar pushimet së bashku.
