Pas Rita Orës dhe Dua Lipës, një tjetër shqiptar që po ngjit shkallët e suksesit në SHBA. Albert Stanaj, i lindur në Shqipëri është talenti më i ri i muzikës që u bë i famshëm pasi postoi disa video me Drake dhe Jay Z.
Videot e tij teksa këndon janë shpërndarë nga emra më të njohur të showbiz-it dhe muzikës, si Kim Kardashian apo Chris Brown. Por tashmë Albert Stanaj do të bëhet edhe më i famshëm, pasi është ftuar nga prezantuesi i njohur Jimmy Fallon në spektaklin e tij, aty ku kanë qenë Rita Ora, Dua Lipa apo edhe Bebe Rexha.
Mesa duket, Jimmy ka mbetur i kënaqur nga shqiptarët dhe ka vendosur të ftojë në emisionin e tij të radhës një tjetër artist shqiptar, për ta promovuar.
Albert Stanaj, i cili është duke i ngjitur me shpejtësi shkallët e suksesit në skenat ndërkombëtare, ka bërë të ditur përmes profilit të tij në “Instagram”, se do të jetë pjesë e emisionit më datën 26 tetor.
