Ditën e sotme, menjëherë pas përfundimit të provimit të matematikës, studentët janë mbledhur në protestë përpara Ministrisë së Arsimit.
Të rinjtë janë shprehur se Ministria nuk e ka marrë aspak parasysh faktin që mësimi i tyre është zhvilluar online për shkak të pandemisë, duke i dhënë një test të një niveli të lartë vështirëse dhe me shumë gabime
Madje, studentët akuzojnë se testi ishte i përkthyer nga teste të gatshme të huaja dhe kishte shumë mangësi.
Me nisjen e protestës së studentëve, Ministrja e Arsimit, Evis Kushi, ka ndarë në llogarinë e saj në Facebook një komunikim për të rinjtë. Ajo shprehet se së bashku me grupin e ekspertëve, por rishikojnë nivelin e vështirësisë së çdo pyetjeje.
Në rast se niveli i vështirësisë e ka tejkaluar nivelin e parashikuar, do të ketë edhe lëshime në pikët e vendosura në test për maturantët.
“Të dashur maturantë,
Siç ju kemi premtuar, ne do të jemi gjithmonë në mbështetjen tuaj. Në këto momente, jemi duke vlerësuar edhe një herë me grupet e ekspertëve nivelin e vështirësisë së çdo pyetjeje në testin e matematikës. Dhe në rast se na rezulton që ai e tejkalon nivelin e parashikuar, të cilin e kushtëzon mënyra e zhvillimit të mësimit gjatë këtij viti shkollor, pa dyshim që ne do ta rishikojmë shpërndarjen e pikëve në test dhe mënyrën e vlerësimit.
Ju uroj shumë suksese për provimin e radhës!”
