Pas skandalit me Arjonin,që bëri bujë të madhe, Ana Lleshi u përjashtua nga “Për’puthen” për shkak të thyerjes së rregullit bazë të programit. Më vonë ajo u rikthye në “Për’puthen Prime” dhe sërish tërhoqi vëmendjen e të gjithëve duke i dhuruar një puthje në buzë Atdheut. Ky i fundit nuk u largua nga emisioni, por tha se kjo ishte thjesht një puthje lamtumire.
Mirëpo Ana nuk e mbylli me kaq dhe mbrëmë u shfaq sërish në program. Këtë herë jo si konkurrente, por si prezantuese në vend të Bora Zemanit, e cila u infektua me Covid-19.
Teksa moderonte, Ana nuk la pa ngacmuar gjithashtu edhe disa prej djemve të “Për’puthen” dhe mori dy kërcime hot nga Riniani dhe Andi.
Pas rikthimit në “Për’puthen” dhe moderimit të emisionit, Anës i ka ndodhur e papritura në rrjete sociale.
Ajo ka marrë dashurinë e madhe të fansave dhe tregon se nuk e kishte pritur aspak diçka të tillë prej tyre.
Ana i ka falenderuar të gjithë për faktin që e kanë pranuar siç është, me të metat e gabimet e veta dhe tregoi se dëshiron t’ua kthejë 100 fish dashurinë që ka marrë prej tyre.
Një falenderim special nga Ana ishte për Olsën, e cila e riktheu në emision dhe e bëri të ndjente sërish ato emocione të bukura.
