Babë e bir kanë humbur jetën, ndërsa kanë mbetur të plagosur gruaja dhe vajza e një familje shqiptare në Kanada pas një aksidenti automobilistik.
Ngjarja e rëndë ka ndodhur në qytetin Calgary, ku makina me të cilën ata po udhëtonin u përplas fillimisht me një dre dhe më pas me një automjet tjetër.
Fatos Metko, 45 vjeç, dhe djali i tij Fioralb Metko, 14 vjeç, vdiqën në vend, ndërsa gruaja e tij Maralba dhe vajza Brianna u dërguan në spital me lëndime të rënda.
Por bilanci i viktimave u rëndua edhe më shumë, pasi nga aksidenti humbën jetën edhe dy persona nga automjeti tjetër. Viktima janë Nënë e bijë, 51-vjeçarja C. Caraoa dhe e nëntëvjeçare A. Caroa, ndërsa tre të tjerë u dërguan në spital me lëndime të rënda.
Shqiptari Fatos Metko ishte shef kuzhine në Broken Plate. Ai kish punuar në Broken Plate në Willow Park në Calgary që prej vitit 2009.
Familja shqiptare po udhëtonte drejt Ontarios, me planet për t’u transferuar në atë zonë, ndërkohë që kishin regjistruar edhe dy fëmijët në shkollë.
/Ora News
