Në fund të vitit 2018, këngëtarja Demi Lovato kaloi një fazë shumë të vështirë në jetën e saj.
Ajo rrezikoi jetën për shkak të overdozës me heroinë, mirëpo me një vullnet të hekurt vendosi ta superonte atë gjendje.
Demi u përpoq me mish e me shpirt për t’iu kthyer normalitetit dhe jetës së shëndetshme, larg alkoolit dhe substancave narkotike.
Pas një lufte të gjatë për t’u përmirësuar, këngëtarja ia doli të arrijë rezultatet e kërkuara nga vetja dhe tashmë është një shembull frymëzues për këdo që po kalon një moment të tillë.
Pas periudhës super të vështirë të jetës së saj, Demi vendosi të bëjë një tatuazh shumë domethënës, i cili përshkruan gjithçka që ajo ka përjetuar.
Këngëtarja rrëfen se shkoi pa një ide konkrete për të bërë tatuazh, ndërsa i rrëfeu tatuatorit jetën e saj dhe mori më pas një kryevepër.
Demi realizoi një ëngjëll të dorëzuar, me krahë të rëna, të cilin e tërheqin drejt dritës tre pëllumba (Simboli i Trinisë së Shenjtë- Ati, Biri dhe Shpirti i Shenjtë).
https://www.instagram.com/p/B8cX6PxBpvR/
Krahët e zinj të ëngjëllit të cilët duket sikur po shpërbëhen përfaqësojnë daljen nga errësira, ndërsa në kraharorin e tij dallohet një dritë e bardhë.
Këngëtarja e ndau foton e tatuazhit dhe shpjegimin e tij në llogarinë e saj në Instagram, pas një shkëputjeje nga rrjetet sociale për shkak të angazhimeve të fundit.
Tatuazhi i saj u pëlqye shumë nga ndjekësit, të cilët e kanë përgëzuar Demin për mesazhin që ka transmetuar tek publiku.
