Virusi vdekjeprurës i përhapur fillimisht në Wuhan të Kinës ka kapur shifra të frikshme viktimash dhe njerëzish të infektuar, duke vënë botën në alarm.
Pas përhapjes së koronavirusit, organi më i lartë në Kinë, Komiteti i Përhershëm i Kongresit Popullor, ka miratuar një rezolutë për të ndaluar në mënyrë absolute konsumimin dhe tregtimin e kafshëve të egra.
Kjo masë vjen për të parandaluar rreziqet për shëndetin publik.
Kafshët e egra janë në mbrojtje të shtetit dhe gjuetia, konsumi apo tregtia e tyre tashmë ndalohen me ligj dhe do të merren masa ndaj personave që e shkelin atë.
Koronavirusi ka mbërritur deri në vendin tonë fqinj, Itali, duke e çuar ne 7 numrin e viktimave në këtë vend, ndërsa më shumë se 200 persona rezultojnë të infektuar.
