Pas shumë vitesh mungesë në ekranin shqiptar, Almeda Abazi erdhi në Shqipëri për të prezantuar spektaklin “Dacing with the stars”, i cili përfundoi disa javë më parë. Një projekt të cilin Almeda e mbylli me sukses dhe u komentua gjerësisht nga të gjithë.
Ky spektakël e mbajti Almedën 3 muaj në Shqipëri dhe në natën finale të “Dancing with the stars”, vendin tonë e vizitoi për herë të parë edhe bashkëshorti i saj, aktori i njohur turk Tolgahan Saysman.
Pas përfundimit të spektaklit çifti u rikthye përsëri në Turqi dhe gjatë këtij muaji ka kaluar një periudhë pushimesh në Fethiye së bashku me miqtë e tyre.
Mirëpo me sa duket pushimet kanë përfunduar dhe Almeda i është rithyer përsëri angazhimeve të saj profesionale. Ajo ndodhet sot në Tiranë dhe me shumë mundësi ka filluar të realizojë projektin për të cilin foli edhe në emisionin “Xing me Ermalin”. Almeda tha në këtë emision se ishte duke u përgatitur për një projekt të ri, por nuk zbuloi asnjë detaj më shumë.
