Ka përfunduar me sukses sezoni i dytë i serialit “Si n’jetë”, një prodhim i Anabel Entertainment Studio, me autore Dalina Buzin!
Me premierën që u dha fillimisht më 23 mars, seriali ka përmbyllur dje aventurat e vajzave të njohura, Ana, Dea Mishel, Viola, Alberta dhe Megi me një propozim surprizë për martesë!
Por ndonëse seriali zgjati për më shumë se dy muaj, mbyllja e tij u duk disi e papritur në një kohë që vajzat sapo e kishin dekoruar shtëpinë ku do të banonin dhe kureshtja për të parë sesi do të bashkëjetonin ishte e madhe.
Vëmendje kanë tërhequr edhe disa postime të protagonisteve të “Si n’jetë”, të cilat kanë njoftuar shkëputjen e marrëdhënies së punës me Anabel në profilet e tyre në Instagram.
Nuk e dimë nëse kjo është një formë marketingu, një shaka apo nëse ka ndodhur diçka e papritur, por vajzat e “Si n’jetë” kanë refuzuar të japin më tepër detaje në lidhje me këtë zhvillim, pas kontaktimit nga iconstyle.al.
Megjithatë, fundi i një projekti duket se ka shënuar pikënisjen e një projekti të ri akoma më interesant!
Aktualisht Dalina Buzi po punon për të sjellë një tjetër serial në jetë që quhet “$NOB” dhe që pritet të jetë po aq i suksesshëm.
https://www.instagram.com/p/CA7qyVOBL62/
Deri më tani dihet se ky projekt i ri do të jetë një prodhim i Anabel Entertainment Studio dhe Nilor Film, ndërsa audicionet kanë disa javë që kanë nisur, që do të thotë se do të shohim disa personazhe të rinj!
Xhirimet do të nisin së shpejti dhe pritet që ky projekt të jetë pikënisja për një serial të mirëfilltë filmik, i cili i mungon tregut shqiptar.
https://www.instagram.com/p/B_5DhuxAQ_F/
