Gjykata e Lartë e Brazilit ka urdhëruar “pezullimin e menjëhershëm dhe të plotë” të “X”, dikur Twitter, në vend. Në një deklaratë, gjykata tha se do të ndalojë platformën e mediave sociale derisa “X” të pajtohet me të gjitha urdhrat e gjykatës dhe të paguajë gjobat ekzistuese.
Gjyqtari Moraes, i cili ka qenë i përfshirë në një debat të gjatë me “X”, i kishte dhënë platformës së mediave sociale 24 orë për të emëruar një përfaqësues të ri ligjor ose do të përballej me pezullim, me një afat deri të enjten në mbrëmje.
Në një intervistë me kanalin televiziv Globonews, presidenti i agjencisë, Carlos Manuel Baigorri, tha se urdhri tashmë u ishte transmetuar ofruesve të internetit.
“Meqenëse po flasim për më shumë se 20,000 kompani, secila do të ketë kohën e vet të zbatimit, por … ne presim që ndoshta gjatë fundjavës të gjitha kompanitë do të jenë në gjendje të zbatojnë bllokun,” tha ai.
Moraes fillimisht thirri Apple dhe Google për të “zbatuar pengesa teknologjike për të parandaluar përdorimin e aplikacionit X nga përdoruesit e sistemeve iOS dhe Android” dhe për të bllokuar përdorimin e aplikacioneve të rrjetit privat virtual (VPN).
Vendimi vendos një gjobë ditore prej 50,000 R$ (6,800 £) për individët dhe kompanitë që përpiqen të vazhdojnë të përdorin X përmes VPN.
