Vitet e fundit nuk ka qenë tepër aktiv në muzikë, por Berkan Beka ende mbetet një emrat më të pëlqyer për publikun.
Këngëtari shqiptar, Berkan Beka, është bërë i njohur me hitin e tij “Akoma të du”, hit i cili vazhdon të këndohet nga shumë shqiptarë.
Së fundmi këngëtari ka kryer një operacion në zemër. Në një intervistë për “Prive” Berkani ka ndarë detaje nga operacioni, duke na treguar se tani gjendja e tij shëndetësore është tepër e mirë.
“Mirë jam, tani mirë. Sepse me të vërtetë e kalova një periudhë shumë të vështirë. Së pari falënderoj të gjithë njerëzit që përmes Instagramit që më kanë telefonuar. Me qindra njerëz nuk kam mundur që t’iu përgjigjem të gjithëve. Nuk themi kot që në këto ditë shihet njeriu se sa duhet.
Faleminderit familjes, Zotit. Tani më mirë jam, patjetër e kam që të shkoj te e mira”, u shpreh ai.
Kujtojmë se këngëtari ka qenë i ftuar në emisionin “Live from Tirana” ku ka treguar se si e ka pritur famën e atyre viteve.
“Nuk isha gati të pres diçka shumë të madhe sepse e dija që kur je i suksesshëm deshe nuk deshe, e kap famën dhe publiku të njeh. Edhe pse atëherë nuk kishte YouTube, ishte shumë vështirë dhe kishe të bëje me emra nga televizioni dhe nga radio. Tani është më lehtë me YouTube-in dhe prisja që sidomos “Top Fest-i” do të m’i hapte dyert për një këngë shumë të bukur, me këngën “Ekstravagante” në vitin 2006 me tekstin që ma bëri Avni Qahili dhe nuk isha gati sepse këndon në Festival dhe pastaj kur i shikon të gjithë jashtë që presin dhe duan të marrin autograf të ndryshon jeta. Kisha një frikë por ka qenë gjëja më e bukur në jetën time”, është shprehur Beka.
