Që prej fitores së “Këngës Magjike” me hitin “Plas” dhe lançimit të bashkëpunimit “Mori”, këngëtari Flori Mumajesi nuk u bë më i “gjallë” për publikun.
Ai u tërhoq nga rrjetet sociale dhe madje fansat e tij menduan se ky ishte një largim gradual edhe nga muzika.
Të rralla ishin herët kur Flori Mumajesi postonte në Instagram dhe postimet ishin kryesisht urime për personat e tij të dashur, mirëpo pak më parë këngëtari na ka surprizuar të gjithëve.
Jo vetëm që nuk është larguar nga muzika, por Flori po sjell dy projekte të reja të cilat fansat po i presin me padurim.
Në një video të publikuar në profilin e tij në Instagram, këngëtari ka lajmëruar se megjithëse e diela është ditë pushimi, ai po punon për dy këngët e tij të reja që do të titullohen “Thjesht të du” dhe “Mbaroj.”
Flori ka pyetur fansat se cilën këngë dëshirojnë të parën, ndërkohë që ka zbuluar edhe pak prej secilit projekt.
Ende nuk dihet se kur do të lançohen këto projekte dhe cili prej tyre do të publikohet i pari, mirëpo shpresojmë t’i dëgjojmë sa më shpejt!
