Adriana Lima dhe i dashuri i saj, shkrimtari turk Metin Hara, kanë vendosur të ndahen.
Modelja 37-vjeçare dhe shkrimtari 36-vjeçar i dhanë fund marrëdhënies së tyre pas një viti e gjysmë së bashku, sipas “People”.
Çifti u lidhën fillimisht në korrik të vitit 2017, kur u fotografuan në bordin e një jahti.
Gjatë marrëdhënies së tyre, Metin postonte vazhdimish fotografi intime me Adriana-n.
Në fund të dhjetorit, mediat turke njoftuan se modelja braziliane ishte ndarë me të dashurin e saj dhe po dilte me yllin gjerman të futbollit Loris Karius. Ajo i mohoi të gjitha këto në Instagram ku shkruante:
“Për median e rreme turke që pretendon se po flirtoj me disa njerëz të rastësishëm që kurrë nuk i kam takuar. . . Ju lutem mjaft me krijimin e lajmeve të rreme! MJAFT !!!!’
Më parë në dhjetor, Adriana kishte postuar një mesazh misterioz duke thënë se një mashkull duhet të jetë një partner, jo një projekt. Ajo e fshiu menjëherë postimin, si dhe të gjitha fotografitë e saj me Metin-in.
Megjithatë në fund të 2018-s, një burim pranë modeles mohoi ndarjen e saj me shkrimtarin turk dhe çdo lidhje me futbollistin, sipas “Page Six”.
Adriana ka qenë e martuar më parë me yllin serb të basketbollit Marko Jarić ngaviti 2009 deri në 2016. Ata kanë dy vajza bashkë, Valentina 9-vjeçare dhe Sienna 6-vjeçare.
