Pavel Sivakov është çiklisti që është komentuar shumë për gjestin e tij të veçantë, ku ka ndryshuar kombësinë e çiklizmit.
Organi drejtues botëror i çiklizmit, UCI konfirmoi kombësinë e re të Sivakov nga rus në francez. Ky veprim ka ardhur si shenjë ndërgjegjësimi dhe mbështetje si pasojë e bombardimeve dhe sulmeve të Rusisë në Ukrainë prej 11 ditësh.
Kështu, në kuadër të sensibilizimit me Ukrainën, 24 vjeçari ka vendosur të ndryshojë kombësi.
“Unë kam dashur të bëhem një shtetas francez për një periudhë dhe e kam bërë kërkesën në UCI. Duke pasur parasysh atë që po ndodh në Ukrainë për momentin, doja ta bëja shpejt këtë,” u shpreh ai.
Rikujtojmë se UCI i ka ndaluar ekipet kombëtare ruse ose bjelloruse të marrin pjesë në çdo ngjarje në kalendarin e UCI dhe ia ka hequr statusin UCI gjashtë skuadrave nga ato vende.
Nga ana tjetër, edhe organizata të tjera sportive kanë marrë masa kundra Rusisë duke i hequr të drejta të ndryshme. Konkretisht, UEFA dhe FIFA kanë vendosur që finalja e “Champions League 2022” mos të mbahet në Rusi, por do të luhet në qytetin e Parisit.
Jo vetëm kaq por edhe zhvillimi i ndeshjes playoff për Botërorin e Katarit, Rusi-Poloni mund të zhvendoset diku tjetër por kujdes. Nuk përjashtohet ideja që Federata Ruse të ndëshkohet edhe më shumë nga UEFA.
