Jenna Dewan më në fund ka thyer heshtjen që pas ndarjes nga aktori Channing Tatum.
Aktorja 37-vjeçare postoi të dielën një foto në “Instagram”, ku shfaqet e mrekullueshme në plazh, me një veshje të bardhë.
Ajo falënderon fansat që e kanë mbështetur: “Faleminderit për gjithë dashurinë tuaj. Ju dua”.
Kjo foto vjen pas raportimeve se, Jenna po gjen qetësi pranë gjirit të familjes së saj, pas ndarjes që shokoi të gjithë fansat në fillim të prillit.
Sipas “People”, aktorja hollivudiane po kalon disa ditë pranë njerëzve të saj të zemrës, në Kaliforni.
“Jenna është mirë. Ndihet e lehtësuar që bënë publike ndarjen. Ajo po vazhdon jetën normalisht”, thotë një burim.
Ndërsa një tjetër tregon se, shkak për ndarjen e tyre nuk ishte një person i tretë:
“Kishte një sërë çështjesh dhe debatesh që vinin nga karriera e tyre e ngarkuar, në vendndodhje të ndryshme dhe një fëmije në shtëpi. U ndodh edhe martesave më të mira”.
Channing Tatum dhe Jenna Dewan kanë një vajzë 4 vjeçe, Everly dhe kishin rreth 9 vite bashkë.
Burimi: Daily Mail
