Rreth një vit më parë, Stine bëri një deklaratë në Instagram, duke lajmëruar fansat se tashmë ishte ndarë nga partnerja e tij prej vitesh me të cilën kanë dhe një vajzë, Estia.
Stine i dedikoi Gracielës një status në Instagram, duke e falenderuar për gjithçka dhe tregoi se të ndarë do të jenë më mirë.
“Edhe pse fundvit, gjej lartësinë shpirtërore për të falenderuar çdo moment të bukur dhe të vështirë të kaluar së bashku! Kam bindjen e plotë se do funksionojmë më mirë pa njëri- tjetrin!
E kemi patur fatin dhe mundësinë me mijëra herë për të kaluar barrierat e jetës, por ndonjëherë gjërat nuk shkojnë ashtu siç ne i mendojmë! Kështu që nuk mbetet tjetër, veçse të të uroj çdo të mirë të mundshme tani e tutje”, shkruante këngëtari.
Por duket se dyshja nuk qëndroi dot për shumë gjatë larg njëri-tjetrit dhe janë bashkuar sërish.
Rrth një muaj më parë ata ishin të ftuar në “Shiko kush luan” dhe pranuan se janë bashkë dhe të dashuruar.
Por kush e bëri hapin e parë?
I ftuar në “Zonë e Lirë”, Stine tregoi se të dy njëkohësisht mendoan për ribashkim.
“Po është e vërtetë që jam bashkuar me Gracielën. Ka fazat e veta, u mërzitëm të dy. Të dy u penguam bashkë, u përplasëm kokë më kokë dhe të dy hodhëm hapin e pajtimit”, u shpreh këngëtari.
Nga martesa e tyre, Stine dhe Graciela kanë edhe një vajzë.
