Prej më shumë se një viti e gjysmë, që pas ndarjes me moderatoren shqiptare Luana Vjollca, këngëtari i njohur Adrian Gaxha po jeton një dashuri të cilën e ka ruajtur me fanatizëm nga vëmendja mediatike. Por pak muaj më parë, ai e bëri konfuz publikun ndërsa deklaroi se ishte single.
Tani janë zbuluar detaje të reja. Nuk dihet nëse i është rikthyer kësaj dashurie apo ka nisur një lidhje të re, por Express Rozë ka mësuar se këngëtari momentalisht nuk është vetëm dhe vajza që ia ka rrëmbyer zemrën quhet Dafina.
Këtë e vërteton edhe një profil në Instagram me të njëjtin emër, ku Adriani shihet duke përqafuar një vajzë të panjohur për publikun. Ndoshta ky është projekti i ri në sferën personale të Gaxhës, një dasmë së shpejti?
