Selena Gomes dhe Justin Bieber vetëm 4 ditë më parë i dhanë fund lidhjes së tyre. Kujtojmë që pas një shkëputje të gjatë, çifti i njohur u ribashkua në tetor të vitit të kaluar duke i gëzuar të gjithë fansat.
Mirëpo ky ribashkim nuk gëzoi nënën e Selenës, e cila gjatë gjithë kohës e ka kundërshtuar lidhjen e së bijës me këngëtarin e njohur. Madje ndarja e Selenës kësaj radhe me Justin u hamendësuar se kishte lidhje pikërisht me qëndrimin kundër të familjes së këngëtares.
Një burim i sigurt pranë çiftit ka thënë për “DailyMail” se nuk është nëna e Selena-s arsyeja e ndarjes së çiftit. Kësaj radhe ata kanë vendosur të bëjnë një periudhë shkëputjeje si rezultat i konflikteve të vazhdueshme që kanë me njëri-tjetrin.
Që pas ndarjes Selena është shfaqur për herë të parë në publik në Malibu së bashku me shoqen e saj të ngushtë. Bukuroshja u shfaq me një buzëqeshje rrezëllitëse në fytyrë dhe me një “look” ndryshe ç’ka na tregoi se ajo nuk po e përjeton keq ndarjen kësaj here.
Ku i dihet mbase pas disa ditësh Selenën dhe Justin do t’i shohim sërish bashkë.
Burimi: DailyMail
