Eneda Tarifa ka folur sot për divorcin e saj, në një intervistë të sinqertë para fëmijëve të programit “Në kurthin e Piter Pan”.
Këngëtarja e njohur u pyet nga fëmijët se si ka mundësi që ka kaq shumë divorce në mesin e personazheve të famshme dhe ajo tha se ashtu duket.
“Mendoj që jo se ne divorcohemi më shumë por ne na duket më shumë se jemi më të dukshëm për njerëzit e tjerë, jemi më të pranishëm në ekran”, u shpreh Eneida.
Më pas këngëtarja la të kuptohet se divorci i saj me Erjon Zaloshnjën ka kaluar qetësisht dhe nuk ka pasur drama:
“Divorci është një proces që duhet trajtuar sa më normalisht po u trajtua normalisht dhe pa drama, nuk do të ketë drama”.
Rreth 3 vite më parë, këngëtarja e njohur shqiptare Eneda Tarifa i dha fund martesës 18-vjeçare me partnerin e saj Erjon Zaloshnja. Ata janë prindër të një vajze të quajtur Aria, e cila mesa duket është dhe motivi që ata të shihen më shpesh.
