Kendall Jenner mori pjesë së fundmi në një koncert të Harry Styles dhe fansat e tij mendojnë se puthja që ai drejtoi në audiencë ishte për yllin e “The Kardashians”.
Kendall ishte për të mbështetur ish të dashurin e saj në koncertin e tij të fundit dhe fansat mendojnë se dyshja po “rindezin” romancën e tyre.
Është bërë virale videoja e Harry-t duke performuar këngën e tij “Love of My Life” ku gjatë saj, ai hodhi një puthje në drejtimin ku po qëndronte Kendall. Në koncert ishte edhe Kylie Jenner dhe Hailey Bieber.
Kendall dhe Harry kanë një histori romantike që daton që nga viti 2013. Dyshja u panë për herë të parë së bashku në fund të vitit 2013, në të njëjtin vit që Harry ndërpreu marrëdhënien e tij me superyllin Taylor Swift. Ata janë shfaqur së bashku edhe në “The Late Late Show With James Corden”.
Sakaq kujtojmë që Kendall Jenner dhe Devin Booker janë ndarë para një muaji.
Disa burime një ditë më parë konfirmuan për “PEOPLE” se ylli i Kardashians dhe basketbollisti i dhanë fund lidhjes së tyre muajin e kaluar për shkak të punëve të tyre të vështira.
“Të dy kanë orare tepër të ngjeshur për momentin me karrierën e tyre dhe ata kanë vendosur ta bëjnë atë një prioritet”, tha një burim për “PEOPLE”. Për Jenner, kjo përfshin linjën e saj të tekilës 818 dhe karrierën e saj të modelingut, dhe për Booker, është përfshirja e tij në NBA.
