Në muajin qershor të këtij viti, modelja Irina Shayk dhe aktori Bradley Cooper i dhanë fund lidhjes së tyre 4-vjeçare, nga e cila kanë vajzën 2-vjeçare Lea De Seine Shayk Cooper.
Lart e poshtë u përfol se Lady Gaga ishte fajtorja e ndarjes së çiftit, pasi u afrua më shumë se ç’duhet me aktorin gjatë xhirimeve të filmit “A star is born”.
Megjithatë, këto lajme u mohuan dhe teksa Gaga shijon romancën e re, mediat e huaja kanë zbuluar se Irina do të “plasë bombën” për Bradley-n.
Sipas “RadarOnline”, modelja ka për të treguar shumë gjëra në lidhje me martesën e saj si dhe e ka planifikuar mjaft mirë hakmarrjen ndaj tij.
Burime pranë modeles kanë rrëfyer se Irina ka marrë oferta të majme nga disa shtëpi botuese, për të treguar çdo gjë për Bradley Cooper në një libër.
“Në fillim ajo mendoi se kjo do të ishte diçka e keqe, por tani është e mendimit se duhet ta nxjerrë të vërtetën në dritë dhe pse jo të përfitojë pak prej saj në të njëjtën kohë. Bradley e ka dëgjuar se ajo po punon për diçka dhe e di se ajo do të shkruajë se sa partner i lig dhe i fokusuar pas punës ishte ai.”- ka thënë burimi.
Irina ende nuk ka reaguar në lidhje me këto lajme dhe ende nuk dihet nëse modelja e ka përgatitur vërtetë hakmarrjen e saj.
