Rreth një muaj më parë, dyshja shumë e njohur e showbiz-it, The Weeknd dhe Bella Hadid i dhanë fund marrëdhënies së tyre, duke u bërë kryefjala e të gjitha mediave.
Ata po kalonin shumë kohë të ndarë dhe ishin të fokusuar në aktivitete të ndryshme, gjë e cila kishte sjellë ftohjen e çiftit.
Ekziston “një rregull i pashkruar” për ndarjet, pas të cilave duhet të bësh ndryshime në veten tënde, për të qenë gati për të nisur një jetë të re.
Pasi Bella Hadid u kthye në bjonde, The Weeknd na ka habitur të gjithëve me pamjen e re.
Ai është shfaqur në Toronto International Film Festival me një tjetër look dhe pothuajse s’e kemi njohur!
Këngëtari ka hequr mjekrën dhe ka lënë mustaqe, ndërkohë që edhe modeli i tij i flokëve ka ndryshuar.
Të gjithë janë surprizuar nga pamja e re e The Weeknd, i cili tashmë duket si tjetër njeri.
Ai ishte veshur me një kostum serioz ngjyrë blu dhe një palë këpucë ngjyrë kafe.
Kujtojmë se kjo është dalja e parë e këngëtarit në tapet të kuq, që prej ndarjes nga Bella Hadid.
